1 – Ni prenu paperfolion A4 grandan aŭ duono–A4, kvarono–A4 grandan.

2 – Ni skribu sur la anguloj A, B, C, D tiamaniere ke :
* AB kaj CD estu la plej longaj lateroj      
* A en la maldekstra kaj supra angulo      
* B en la dekstra kaj supra angulo           
* C en la dekstra kaj malsupra angulo      
* D en la maldekstra kaj malsupra angulo.

3 – Valfaldu laŭ la diagonaloj AC kaj BD kaj skribu O en la centro de ABCD.

4 – Dorsoflanke ni ankaŭ skribu A, B, C, D kaj O sed ni tre atentu ke ĉiu angulo havu nur unu literon kaj ne du...

5 – Ni revalfaldu laŭ BD kaj aranĝu nian laboraĵon por ke BD estu horizontala kaj la pintoj C kaj A aspektu kiel pintoj rande de vulkana kratero, C starante pli antaŭe ol A.

6 – Per valfaldo ni alportu B sur C kaj per montfaldo ni alportu D sub A.

7 – Antaŭ plulabori, kontrolu ke la du pintoj A kaj C de la kraterrando staras supre, kun A maldekstre kaj iom pli malantaŭe ol C, kun B sur C kaj D sub A.

8 – Nu, ni tre atente rigardu al la pinto B. Tie videblas orta triangulo kiun ni nomas OBS (S ortas la triangulon), kaj ankaŭ videblas izocela triangulo kiun ni nomas OBH ( BH=OH)

9 – Faldu vale kaj monte laŭ HB, tiel vi povas ŝovi la parton HBS sub OBH.
–––> Nun la pinto B aspektas izocele triangula ĉar nur videblas OBH.

10 – Valfaldu laŭ OA kaj OD.

11 – Alportu D sur la punkton H.

12 – Montfaldu laŭ AD
–––> izocela triangulo kuŝas interne de la pinto A.

13 – Sen faldi la pinton D refaldu monte laŭ OC kaj OB.
–––> Aperas 4 pintoj de la kvinpinta stelo.
Dekstre dormas la pinto B sub la pinto C, ĉu?

14 – Ni tuj veku la pinton B kaj alportu ĝin maldekstren por formi la kvinpintan stelon kiun vi povas vidi klakante sur la suban steleton.

15 – Por fari pli ekzaktan kvinpintan stelon mi konsilas al vi preni paperfolion 16*22 grandan ĉar la kvociento 16÷22 tre proksimas tan 36°.